طريقة ضبط التليفزيون الأرضي في مصر لمشاهدة قناة تايم سبورتس

☜ طريقة عمل وتصنيع إريال أرضي لمشاهدة مباريات كأس الأمم الافريقية 

اعلنت الاذاعة والتلفزيون اصدار قناة جديده لاذاعة امم افريقيا مجانا تدعي تايم سبورتس

ومعاك كذا طريقه :

                                        اولا : طرق مشاهدة القناة بالبث العادي ( التناظري )

▥▥ الطريقه الأولي وهي :

1-إطفي الريسيفر خالص أو شيل فيشة الريسيفر من الكهربا
2-إمسك ريموت التليفزيون أو الشاشه وإضغط علي رقم 2 إتنين في الريموت أو هات قناة تايم سبورت يعني
3-هات حتة سلك طولها مترين أو تلاته تكون شبه سلك الدش الأسمر أو الأبيض اللي نازل من الطبق للريسيفر
4-قشر الطرفين يعني اقطع الطبقه السوده اللي علي السلك وخلي السن الأصفر باين وواضح وخلي طرف الشعر بتاعه راجع للخلف مش لامس السلك أو السن الأصفر والطرف التاني قشره وخلي الشعر الأبيض اللي فوق الطبقه البيضه لامس السن الأصفر وأبرمه ولفه علي السن الأصفر
5-بعد كده إمسك الطرف اللي برمته علي السن الأصفر ودخل السن بتاع السلك في ضهر التليفزيون في مكان فتحة الجاك بتاعت الإريال والفتحه دي عباره عن فتحتين داخل بعض فتحه كبيره وداخلها فتحه صغيره
6-بعد ما تعمل الخطوه السابقه واللي فاتت تمسك طرف السلك اللي خارج التليفزيون من آخره وتحرك الطرف بإيدك لحد أما يجيب صوره معاك ولما يجيب صوره معاك تعلقه أو تربطه في أي مسمار أو خشبه
7-لو مش جايبه صوره معاك إمسك ريموت التليفزيون أو الشاشه وإضغط زرار Menu و إعمل بحث علي القناه وانت بتحرك السلك لحد أما يجيب صوره معاك

█████████████████████

▥▥ الطريقه التانيه :

إطفي الريسيفر خالص من الكهربا اضغط علي رقم ٢ إتنين في ريموت التليفزيون وهات قناة تايم سبورت وركب السلك بتاع الدش اللي نازل من الطبق في الريسيفر وفك واخلع السلك ده من الريسيفر وفك واخلع الصاموله اللي راكبه في السلك ودخل سن السلك في فتحة جاك التليفزيون اللي موجوده في ضهر التليفزيون
███████████████████

▥▥ الطريقه الثالثه :

إطفي الريسيفر خالص وهات تايم سبورت الأرضيه بريموت الشاشه أو التليفزيون ولو عندك شاحن نوكيا جرب تدخل سن السلك في ضهر الشاشه مكان فتحة الجاك وشوف هيحصل ايه
███████████████████

▥▥ الطريقه الرابعه :

هات سلك طويل زي بتاع الكهربا يكون فيه طرفين زي الفيشه كده وهات خشبتين وإعملهم علي شكل حرف تي T أو علي شكل صليب وهات مسمارين و دق أو ركب مسمار واحد في أول الخشبه من فوق والتاني في اخر طرف الخشبه وأربط طرفين السلك كل طرف في مسمار وركب الطرف اللي نازل في ضهر الشاشه أو التليفزيون مكان فتحة الجاك

                                                    ثانيا : مشاهدة القناة بالبث الرقمي

▥▥ الطريقه الأولي وهي :

خطوات ضبط القنوات الأرضي (وقنوات البث الرقمي) علي شاشة ال جي او اي شاشة تدعم البث الرقمي Dtv
وذلك بإستخدام اريال داخلي عادي و الأفضل من يملك اريال خارجي طبعا
وهناك طريقه لاستخدام طبق الدش كاريال للبث الارضي (و البث الرقمي).

1- من الريموت يتم اختيار نوع المدخل (INPUT)
2- يتم أختيار القنوات الأرضيه (Live TV)
3- من الريموت يتم الضغط علي خيارات (Settings)
4- يتم أختيار متقدم (Advanced)
5- يتم أختيار قنوات البث الأرضي (Programmes)
6- يتم اختيار ضبط قنوات البث الأرضي (Programme tuning)
7- يتم أختيار الضبط التلقائي (Auto tuning)
8- يتم الضغط علي البدء (start) + يمكن أختيار البث الرقمي فقط (Digital only search)
9- سوف يبدء البحث عن جميع قنوات البث الارضي
لاحظ عدد قنوات البث الرقمي (Antenna DTV) و قنوات الارضي العاديه (Antenna TV)

▥▥ الطريقه التانيه : 

في حالة الشاشات التي لا تدعم البث الرقمي او تليفيزيون عادي هتحتاج حهاز كده زي الريسيفر 

طرحت الهيئة الوطنية للإعلام من خلال إحدى شركاتها،  جهاز استقبال البث الرقمي للترددات الأرضية، والذي يساعد المشاهد المصري على مشاهدة قناة تايم سبورتس التي تبث بطولة أمم أفريقيا بجودة عالية أرضيًا كالفضائي تمامًا.

وأوضحت الهيئة الوطنية للإعلام ، إن سعر الإريال الداخلي يبلغ 400 جنيه، والخارجي 700 جنيه، ويُستخدم إريال خارجي لو كان التليفزيون في دور أرضي أو مكان به تردد ضعيف، بينما يتم استخدام إريال داخلي لو كان المكان مفتوحًا وبه الشبكة قوية، أو في الأدوار العليا.

وتأتي أهمية الجهاز في ضبط التردد الأرضي لقناة تايم سبورت التي تم إطلاقها من جانب الهيئة الوطنية للإعلام، لبث فعاليات أمم أفريقيا التي تقام في مصر في الفترة من 21 يونيو الجاري وحتى 19 يوليو المقبل.